गवताळ माळरानची सफारी..
रानवेध..
_जंगल हा शब्द उच्चारताच डोळ्यासमोर उभे राहते ते घनदाट झाडी, वाघ बिबट्याची डरकाळी, मुक्तविहार करणारे चिकार, चितळ हे हरिण कुळातील प्राणी असे चित्र डोळ्यांसमोर उभारते. चित्रपट अथवा दूरचित्रवाणीवर पाहिलेल्या जंगलाच्या संकल्पनेस सोलापुरातील उघड्याबोडक्या मला जंगल पाहताना छेद जातो. जंगल अन तेही माळरानाचे, ही संकल्पना काहींना लवकर पचनी पडत नाही. पण, उघड्या बोडक्या वाटणाऱ्या सोलापुरातील माळरानावर जैवविविधता, समृद्धतेने नटलेली आहे, हीच तर सोलापूरची समृद्धता.
'गवताळ माळरानाचा राजा' अशी उपाधी असणारा माळढोक व तणमोरपक्षी, हे सोलापूरचे भूषण. जगभरातच त्यांची संख्या घटली असून सोलापूर देखील त्या अपवाद असणार. पण, क्वचितप्रसंगी का असेना हा गवताळ माळाचा राजा हमखास दर्शन देतो. अशा या येथील समृद्ध माळरानात वनविभागाने सफारी सुरू केली आहे. विविध प्रकारचे वन्यप्राणी, शिकारी पक्षी, माळरानांवरचे पक्षी आणि फुलपाखरे पाहण्याची संधी सोलापूर येथील बोरामणी गवताळ सफारीच्या माध्यमातून निसर्गप्रेमींना अनुभवत आहेत. त्यास राज्यभरातून प्रतिसाद वाढत असून सोलापूरच्या निसर्ग पर्यटनास नव संजीवनी मिळाली आहे. पुणे, मुंबई, हैदराबाद येथील काही पर्यटकांनी नुकताच येथील सफारीचा आनंद घेतला काहींनी तर माळाराणावरील माचानावर रात्रभर मुक्काम ठोकून प्राण्याचे निरीक्षण केले. येथे पर्यटकांसाठी ऑनलाइन आरक्षणाची सोय सफारीसाठी ऑनलाइन आरक्षणाची सोय करण्यात आली आहे. बारामती आणि इंदापूर भागातील वनविभागाच्या माळरानांवर वन विभागाने गेल्या वर्षी सुरू केलेल्या गवताळ सफारीला पर्यटकांचा प्रतिसाद मिळाल्यानंतर सोलापूर देखील पर्यटनाचे नवे क्षेत्र विस्तारत आहे. दोन महिन्यांपूर्वी आमदार सचिन कल्याणशेट्टी यांच्या हस्ते याचा शुभारंभ झाला. तत्कालीन उपवनसंरक्षक कुशाग्र पाठक, पुण्याचे मुख्य वनसंरक्षक एन आर प्रवीण यांच्या पुढाकारातून ही संकल्पना गतिमान झाली आहे. __ हे प्राणी पाहता येतील बोरामणी माळरानांवर लांडगा, कोल्हा, खोकड, काळवीट, नीलगाय, रानससा, रानडुक्कर, रानमांजर, उदमांजर, म्हसण्या मांजर आणि माळसरडा यांचा अधिवास आहे. तसेच सर्पमार गरुड, मॉन्टेक्यूचा भोवत्या, मोर, खंड्या, पिवळ्या गाठीची माळ टिटवी, सातभाई व्हल्ले, हरियालसह विविध प्रकारचे शिकारी पक्षी आणि आणि माळरानांवरचे पक्षी आणि फुलपाखरे बघायला मिळतील.ॉ
___
बोरामणी गवताळ सफारीचे ऑनलाईन बुकींग सुरु सफारी ही दोन टप्यात करण्यांत आली असून, सकाळची वेळ 6:30 ते 10:30 आणि दुपारची वेळ 3:30 ते 6:30 ठेवण्यात आली आहे.
__
बोरामणी गवताळ सफारी येथे भेट देणाऱ्या पर्यटकांच्या सुविधेसाठी या ठिकाणी पिण्याच्या पाण्याची व्यवस्था, मचाण, शौचालय इत्यादींची व्यवस्था करण्यात आली आहे. सदरची सफारी ही स्वतःच्या गाडीने करावयाची असून, सोलापूर वनविभागातर्फे गाईड घेणे बंधनकारक आहे. यामध्ये सफारी ५०० शुल्क सोबत गाईड ५०० रुपये, कॅमेरा (असल्यास) १००/-शुल्क असे एकूण फी रु. ११००/- आकारण्यांत येणार आहे. बुकींग करतेवेळी सदरचे पेमेंट ऑनलाईन पध्दतीने करता येईल. सफारीच्या वेळेस एका वेळी ४ ते ५ गाड्या सोडण्यांत येतील. ___
बोरामणी येथे सफारी सोबत नाईट स्टेची सोय करण्यात आलेली आहे. तरी या नाईट स्टे साठी एक वेळेस 4 व्यक्ती (प्रत्येक व्यक्ती रु. २५०/ शुल्क) असे एकूण रु. १०००/- शुल्क व सोबत सोलापूर वनविभागातर्फे दिला जाणारा गाईड रु. ५००/- शुल्क असे एकूण रु. १५००/-शुल्क देऊन आपण संपूर्ण रात्र मंचानवरती नाईट स्टे करु शकता व निसर्गचा अनुभव घेऊ शकता. सदर ऑनलाईन बुकिंग फोन पे, गुगल पे व इतर ऑनलाईन बँकिंगव्दारे करता येईल, असे सहाय्यक उपवनसंरक्षक अजित शिंदे यांनी सांगितले.
___
